website Inauguration 12-06-2019

തൃശൂര്‍ പ്രസ് ക്ലബിന്റെ നവീകരിച്ച വെബ് സൈറ്റ് പ്രകാശനം 

തൃശൂര്‍ : തൃശൂര്‍ പ്രസ് ക്ലബിന്റെ നവീകരിച്ച വെബ് സൈറ്റ് പ്രകാശനം പ്രസ് ക്ലബ് കോണ്‍ഫറന്‍സ് ഹാളില്‍ ജില്ലാ കളക്ടര്‍ ടി വി അനുപമ നിര്‍വ്വഹിച്ചു. ദക്ഷ് ഇവന്റ്മാനേജ്‌മെന്റ് സിഇഒ ദിഷന്‍ ചന്ദ്രന്‍ രൂപകല്‍പ്പന ചെയ്ത തൃശൂര്‍ പ്രസ് ക്ലബിന്റെ മൊബൈല്‍ ആപ്പും കളക്ടര്‍ പ്രകാശനം ചെയ്തു. മാധ്യമപ്രവര്‍ത്തകര്‍ക്ക് മാത്രമല്ല, പൊതുസമൂഹത്തിനാകെ വിവരങ്ങള്‍ കൈമാറാവുന്നതരത്തിലാണ് വെബ് സൈറ്റും മൊബൈല്‍ ആപ്പും ഒരുക്കിയിരിക്കുന്നത്. പ്രസ് ക്ലബിന്റെ ഹൃസ്വ ചരിത്രവും പൊതുജനത്തിന് ആവശ്യമായ അനുബന്ധ ലിങ്കുകളും സൈറ്റിലുണ്ട്. ആന്‍ഡ്രോയിഡ് ഫോണുകളിലാണ് ആപ്ലിക്കേഷന്‍ ലഭ്യമാവുക. ചടങ്ങില്‍ പ്രസ് ക്ലബ് പ്രസിഡന്റ് കെ പ്രഭാത് അധ്യക്ഷനായി. സെക്രട്ടറി എം വി വിനീത സ്വാഗതം പറഞ്ഞു. സംസ്ഥാന കമ്മിറ്റിയംഗം എ. സേതുമാധവന്‍, ജില്ലാ വൈസ് പ്രസിഡന്റ് പി.ആര്‍ റിസിയ, ജോയിന്റ് സെക്രട്ടറി മധു മേനോന്‍, ജില്ലാ കമ്മിറ്റിയംഗം സക്കീര്‍ ഹുസൈന്‍ എന്നിവര്‍ സന്നിഹിതരായിരുന്നു.